WAZIRI MKUU AWASILISHA HOJA YA KUAHIRISHWA KWA BUNGE LA BAJETI - MWANAHARAKATI MZALENDO ™

Breaking

Friday, June 29, 2018

WAZIRI MKUU AWASILISHA HOJA YA KUAHIRISHWA KWA BUNGE LA BAJETI


Waziri Mkuu Kassim Majaliwa ametoa hoja ya kuahirishwa kwa mkutano wa 11 wa Bunge la Bajeti ulioanza Aprili 3 na kumalizika hii leo.
Akiwasilisha hoja hiyo leo bungeni, Majaliwa amesema maswali 530 ya msingi na 1705 ya nyongeza yameulizwa na wabunge

Pamoja na mambo mengine, Majaliwa amezungumzia masuala mbalimbali, zikiwemo halmashauri zote nchini kutenga asilimia 10 ya mikopo kwa ajili ya vijana, wanawake na wenye ulemavu na zisaidie uundaji wa Saccos shirikishi za makundi.

Kuhusu uchangiaji damu, amewaomba wananchi kujenga utamaduni wa kuchangia damu ili kuwezesha upatikanaji wa damu kwa wingi kwa wenye uhitaji.

Akizungumzia Virusi vya Ukimwi na kampeni ya upimaji Ukimwi ya Furaha Yangu, amesema hadi kufikia Machi, 2018 watu wanaoishi na VVU walikuwa milioni 1.02, kati yao watu milioni 1.0 walikuwa wanatumia dawa za kufubaza virusi hivyo.

Na Amos Nyanduku
Post a Comment