Trump: Katiba haitoi haki ya uraia kwa kuzaliwa - MWANAHARAKATI MZALENDO ™

Breaking

Thursday, November 1, 2018

Trump: Katiba haitoi haki ya uraia kwa kuzaliwa


Rais wa Marekani Donald Trump amesema katiba ya nchi hiyo haikikishi haki ya uraia kwa kila mmoja anaezaliwa nchini humo, na kwamba ataendeleza shinikizo lake kukomesha utaratibu huo.
Trump ameandika kwenye ukurasa wake wa Twitter Jumatatu kwamba kile kinachoitwa haki ya uraia wa kuzaliwa, ambacho kinaigahrimu Marekani mabilioni ya dola na kinawanyima haki raia wa Marekani, kitakomeshwa kwa njia moja ama nyingine.
Ameongeza kuwa suala hilo halikuzingatiwa katika marekebisho ya 14 ya katiba kwa sababu ya kuwekewa masharti, na kumalizia kwamba wataalamu wengi wa sheria wanakubalina na hilo.
Kipengele hicho cha 14, kilichoongezwa baada ya vita vya wenyewe kwa wenyewe nchini Marekani, kinatoa uraia kwa yeyote aliezaliwa katika ardhi ya Marekani, na kilinuwiwa kutoa ulinzi wa kikatiba kwa watumwa wa zamani.
Lakini wanasiasa wa Republican kama vile Trump wanasema kinaweka mazingira kwa watu kuingia nchini humo kinyume cha sheria na kuzaa watoto.
Wakili ambaye ni mume wa mmoja wa washauri wa juu wa Trump, Kellyanne Conway, aliandika kwenye makala ya maoni leo kwamba hatua kama hiyo ya kukomesha haki ya uraia wa kuzaliwa itakuwa inakiuka katiba.
DW SWAHILI 
Post a Comment