Maadhimisho ya miaka 10 ya huduma ya M-Pesa ya Vodacom yafikia tamati

Mkurugenzi wa M-Commerce wa Vodacom Tanzania Ashtosh Tiwary (kulia) akikabidhi funguo za gari kwa Lucy Sarah Ismail (wa pili kulia) mshindi wa 10 wa gari za kampeni ya m-pesa wakati wa sherehe za maadhimisho ya miaka kumi ya m-pesa jijini Dar es Salaam wikiendi hii. Wengine ni Mkurugenzi wa mawasiliano na uhusiano wa Vodacom, Rosalynn Mworia (wa pili kushoto) na Alec Mulonga Mkurugenzi wa Mtandao wa Vodacom (kushoto).  

Mkurugenzi wa mawasiliano na uhusiano wa Vodacom Tanzania, Rosalynn Mworia akimuwashia gari Lucy Sarah Ismail, mshindi wa gari ya kumi wa kampeni ya M-pesa aliyokabidhiwa jijini Dar es salaam wikiendi hii. 

Mkurugenzi wa mawasiliano na uhusiano wa Vodacom Tanzania, Rosalynn Mworia (kati) akikabidhi funguo na hati ya gari kwa Lucy Sarah Ismail (kushoto), mshindi wa gari ya kumi ya kampeni ya Mpesa aliyo kabidhiwa jijini Dar es Salaam wikiendi hii. Kulia ni Mkurugenzi wa M-Commerce wa Vodacom, Ashtosh Tiwary. 

Dar es Salaam, Tanzania Katika maadhimisho ya kuanzishwa kwa huduma ya M-Pesa ya Vodacom nchini,kampuni ya Vodacom Tanzania imekabidhi gari la mwisho aina ya Renault KWID 2017 kwa Lucy Sarah Ismail mkazi wa Dar es Salaam ambaye ni mshindi wa mwisho katika kampeni ya kipindi cha wiki 10, ambayo imewezesha washindi 10 kujishindia magari  mapya aina ya Renault KWID na fedha taslimu shilingi milioni 120/- kampeni hiyo iliwahusisha wafanyakazi,mawakala na wateja.

Shamrashamra hizo za kusherekea,  zilizodumu kwa kipindi cha wiki 10, zililenga kuwashukuru zaidi ya wateja milioni 8.2 wanaotumia huduma ya M-Pesa, ambao walishuhudia ikianzishwa kutoka huduma za kifedha kupitia simu za mkononi kwa kufanya mihamala ya kutuma fedha na kutumika  kulipia huduma muhimu katika maisha ya kila siku, ikiwemo huduma za kibenki kupitia mtandao wa simu za mkononi,kuweka akiba na kukopa na kuaminika kutumika kufanya mihamala ya malipo ya kimataifa.Mpaka sasa  biashara au mtoa huduma ambaye hakubali kutumia huduma ya M-Pesa atabaki nyuma kibiashara.

Akiongea katika hafla ya kukabidhi gari la mwisho,Kaimu Mkurugenzi Mkuu wa Vodacom Tanzania,Hisham Hendi,alibainisha kuhusu mapinduzi yaliyoletwa na matumizi ya huduma za fedha kupitia simu za mkononi nchini Tanzania, “Matumizi ya teknolojia yamewezesha kuogezeka kwa kiasi kikubwa cha matumizi ya huduma ya M-Pesa kwa kuwezesha asilimia 55% ya wananchi kupata huduma za kifedha.Tunatambua safari hii ndefu katika historia ya kampuni yetu na mchango mkubwa kutoka kwa wateja wetu,mawakala na wabia wengine tulioshirikiana nao kupata mafanikio ya huduma ya M-Pesa nchini Tanzania-na tuendelee kutarajia mambo mengine mazuri yatakuja”.

M-Pesa imefanikisha na inaendelea kuwa na mchango mkubwa kwa uchumi ambapo   asilimia 37 ya mzunguko wa fedha katika Pato la Taifa hupitia katika  M-Pesa kila siku, imewezesha ajira zaidi ya 200,000 na zaidi ya biashara 20,000  hufanya mihamala mbalimbali kupitia M-Pesa kila siku. Kutokana na manufaa yake katika kukuza uchumi tutaendelea kufanya ubunifu wa kiteknolojia kwa kuiboresha zaidi ili wateja wazidi kuifurahia sambamba na kuimarisha ubora wa huduma zetu.

Mapema mwaka huu, huduma za M-Pesa zimethibitishwa na GSMA kuwa ina usalama mkubwa na kutangazwa katika ngazi ya dunia kuwa huduma ya kwanza kupata hadhi hiyo. Mapema wiki hii, Jumatatu tarehe 10.9.2018, ilizindua kadi ya kwanza ya mtandao nchini Tanzania-Kadi hiyo ya M-Pesa imezinduliwa kwa ushirikiano wa MasterCard na Benki ya BancABC ambayo inaruhusu wateja kufanya mihamala ya malipo kupitia mtandaoni kwenye biasharaza ndani na kimataifa kwa usalamana urahisi.Uzinduzi huu wa hivi karibuni umekuja katika kipindi cha muda mfupi kuanzisha programu ya kufanya mihamala ya malipo ya QR katika matumizi ya huduma za M-Pesa.

Hishamu alimalizia kwa kusema, “Wateja wetu ni moyo wa kila kitu tunachofanya na ndiyo sababu tunafurahi kuwa katika safari hii na Watanzania tukiwa tunaongoza kuipeleka nchi katika ulimwengu wa kidigitali kupitia ubunifu mkubwa wa matumizi ya mtandao, sio tu kwa kwa huduma za M-Pesa bali kuunganishwa katika mtandao wetu ulio na ubora mkubwa.