KIMBUNGA KENNETH KUTUA IJUMAA ALFAJIRI - MWANAHARAKATI MZALENDO ™

Breaking

Thursday, April 25, 2019

KIMBUNGA KENNETH KUTUA IJUMAA ALFAJIRI

Mamlaka ya Hali ya Hewa nchini Tanzania (TMA) imetoa taarifa mpya juu ya mwenendo wa kimbunga Kenneth na kusema kuwa kinatarajiwa kutua Ijumaa alfajiri au asubuhi.

Katika Taarifa ya video iliyopakiwa kwenye mtandao wa kijamii wa You Tube, Mkurugenzi Mkuu wa TMA, Dkt Agness Kijazi amesema kufikia sa tia mchana wa leo kimbunga kitakuwa umbali wa kilomita 177 kutoka pwani ya Mtwara kikiwa na kasi ya kilometa 140 kwa saa.
Kutokana na kasi hiyo kimbunga kinatarajiwa kutua nchini Msumbiji kuanzia Alfajiri ya Ijumaa kikiwa na kasi kilomita 100 kwa saa.
Hata hivyo, kitakapotua kimbunga hicho ni karibu na mpaka wa Tanzania kwa kilomita 230, na athari zake zinatarajiwa kukumba maeneo yaliyo ndani ya kilomita 600.
"Nchini mwetu, maeneo ya mpaka Lindi na Ruvuma yataathirika sana," amesema Kijazi na kuongeza, "wakazi hususani wa Mtwara kwa sasa wanaweza wakaona tu kuna mvua zinanyesha lakini waendelee kuchukua tahadhari. Kadri muda unavyosidi kusonga ndiyo kimbunga kinazidi kukaribia nchi kavu."

Social embed from youtube

Kimbunga Kenneth kinatarajiwa kupita maeneo haya.


Update 

Mtwara:Wakaazi waliokuwa wamepiga kambi katika uwanja wa ndege mchana kutwa kama mojawapo ya maeneo salama ya kujikinga na dhoruba ya kimbunga Kenneth ambacho bado kinatarajiwa kutua, sasa wameanza kurudi nyumbani kwao pasi kuhofia hatari ambayo huenda ikawepo.

 Mwandishi wa BBC Eagan Salla aliyepo katika eneo hilo anasema 'giza limeanza kuingia na watu wanahisi njaa'

Loading...

No comments: