LULU AFUNGUKA HAYA KUHUSU MONALISA

Staa mrembo kutoka Bunge Movie, Elizabeth Michael ‘Lulu’  amempongeza muigizaji  mwenzako wa kitambo, Monalisa  kwa kusema kuwa amekuwa akifundishwa kuwa na subira kwenye maisha kupita muigizaji huyo.

Akizungumza wakati wa tuzo za African Women Film Festival  zilizofanyika hivi karibuni, Lulu alisema Monalisa ameanza kazi za Sanaa  muda mrefu , lakini amekuja na wazo hilo la kutoa tuzo sasa hivi.

“Wasanii huwa tunakuwa na mambo mengi ya kufanya pale tunapopata maarufu, lakini Monalisa hilo kwake halikuwa sababu, kwani amekaa kimya   kwa muda wote mpaka sasa alipoamua kuja na tuzo hizi ambazo naamini huko mbele zitakuwa kubwa,” alisema.

Kabla ya kutangaza mshindi wa moja ya tuzo zilizotolewa siku hiyo, Lulu akiwa stejini aliongeza;

“Sisi kama watu ambao tunakutizama tangu, mabinti wadogo tumekuwa tukikuona kwamba  kumbe kila kitu kinawezekana,  Halafu pia kikubwa umetupa somo la kusubiri, katika muda sahihi. You have been Monalisa for such a long time, lakini umefanya mambo yako taratibu, yani hajakurupuka ili uonekane monalisa leo amefanya tuzo, but you took your time , umeenda taratibu mpaka leo umeweza kufanya hivi.”-Lulu alieleza.

Mbali ya kualikwa kwa ajili ya kutoa tuzo, pia alikuwa kati ya wasanii waliokuwa wakiwania kipengele cha msanii bora wa filamu ambacho muigizaji Riyama Ally aliibuka kidedea.

Wengine walioshindanishwa katika kengele hicho ni Neema Ndepanya, Lamata Leah na Godliver Gordian.