Profesa Anna Kajumlo Tibaijuka, aliyewahi kuwa Waziri wa Ardhi, ameweka wazi msimamo wake kuhusu ujenzi wa kituo cha mabasi katika bonde la maji Jangwani. Akizungumza na waandishi wa habari, Tibaijuka alisisitiza kuwa hakutoa kibali kwa mradi huo. “Nilipinga waziwazi na kusema hamuwezi kuweka kituo cha mabasi kwenye bonde la maji,” alisema Tibaijuka.
Profesa Tibaijuka alifafanua kuwa haikuhitaji kuwa msomi mkubwa ili kuelewa hatari za ujenzi huo. “Huitaji kuwa na elimu kubwa sana kutambua kwamba ujenzi katika eneo la bonde la maji ni hatari,” aliongeza. Alisisitiza kuwa watu walikuwa na ajenda zao binafsi, na ndio maana walipuuzia ushauri wa kitaalamu.
“Utaalamu ulikuwa mezani na usomi ulikuwepo, lakini haukuheshimiwa,” alisema Tibaijuka kwa uchungu. Aliendelea kusema kuwa matokeo ya kupuuzwa kwa ushauri huo ni hasara kubwa kwa taifa. “Hasara iliyotokea ni kubwa sana na ni pigo kwa taifa,” alihitimisha Tibaijuka, akionyesha masikitiko yake juu ya hali ilivyokuwa.
#KonceptTvUpdates
