Jeshi la Polisi Tanzania limefanikiwa kukamata watuhumiwa saba waliohusika na kupanga na kutekeleza uhalifu uliosambazwa kwenye mitandao ya kijamii kupitia picha za video zilizomuonesha binti mmoja akifanyiwa vitendo vya ukatili. Taarifa ya Jeshi hilo imeeleza kuwa tukio hilo lilifanyika katika eneo la Swaswa, Jiji la Dodoma, mwezi Mei 2024.
Uchunguzi wa polisi umebaini kuwa binti huyo aliyefanyiwa ukatili kwa sasa yuko salama na anaendelea kupata huduma za tiba na msaada unaostahili. Watuhumiwa hao saba wamekamatwa katika mikoa ya Dodoma na Pwani.
Aidha, Jeshi la Polisi limefanikiwa kuwakamata watuhumiwa wengine wanne waliohusika na kusambaza video hiyo kwenye mitandao ya kijamii, huku wakiendekeza uongo kwamba binti huyo alifariki. Watuhumiwa hawa wamekamatwa Dar es Salaam na Arusha.
Jeshi la Polisi pia limewakamata watu wawili wanaotuhumiwa kutengeneza na kusambaza taarifa za uongo mitandaoni zinazodai kuwa binti huyo amefariki dunia, jambo ambalo si la kweli. Watuhumiwa hao wanatarajiwa kufikishwa mahakamani hivi karibuni.
Jeshi hilo pia limetoa onyo kali kwa watu wanaoendelea kueneza taarifa zisizo na ukweli na kuwataka kusitisha mara moja vitendo hivyo.
Kwa hatua hizi, Jeshi la Polisi limeonyesha jitihada kubwa katika kudhibiti uhalifu na usambazaji wa taarifa za uongo mitandaoni, likiwa na lengo la kudumisha usalama na amani kwa wananchi wote.
#KonceptTvUpdates
