Wakili na mwanaharakati wa haki za binadamu, Maduhu William, ameeleza kuwa kumekuwa na mkanganyiko kwa baadhi ya watu kuhusu zoezi linaloendelea la uandikishaji wa wapiga kura. Akizungumza na Jambo TV, Maduhu amesema kuwa watu wamekuwa wakidhani kwamba zoezi hilo litatumika kwenye uchaguzi wa serikali za mitaa, jambo ambalo si sahihi.
Kwa mujibu wa Maduhu, zoezi hilo la kuandikisha na kuboresha Daftari la Kudumu la Mpiga Kura ni kwa ajili ya uchaguzi mkuu ujao, na siyo kwa uchaguzi wa serikali za mitaa. Alifafanua kuwa uandikishaji huu unaohusisha tume unazingatia maandalizi ya uchaguzi mkuu, ambapo daftari hilo ni kiungo muhimu cha kuhakikisha wapiga kura wanatambulika na kuwa na haki ya kupiga kura.
Aidha, aliendelea kusisitiza umuhimu wa wananchi kuelewa tofauti ya taratibu hizi ili kuepuka mchanganyiko wa taarifa na kuwa tayari kushiriki kikamilifu katika mchakato wa kidemokrasia.
#KonceptTvUpdates
