Makamu wa Rais wa Marekani na mgombea Urais wa chama cha Democratic, Kamala Harris, ametangaza nia yake ya kuimarisha sheria za udhibiti wa umiliki wa bunduki nchini humo. Hii ni kufuatia tukio la hivi karibuni la ufyatuaji risasi katika Shule ya Sekondari ya Apalachee huko Winder, Georgia, ambalo limesababisha vifo vya watu kadhaa na kuacha wengine wakiwa wamejeruhiwa.
Kwa upande mwingine, mpinzani wake wa kisiasa, Rais wa zamani Donald Trump, ameahidi kurahisisha masharti ya umiliki wa bunduki ikiwa atachaguliwa tena kuwa Rais. Wakati ambapo suala la udhibiti wa bunduki limeendelea kuwa mjadala mkali nchini Marekani, tofauti ya misimamo kati ya wagombea hawa wawili inazidi kuongezeka hasa baada ya tukio hili la kusikitisha.
Sheria kali za udhibiti wa bunduki zinahusishwa na juhudi za kupunguza matukio ya ufyatuaji risasi ambayo yamekuwa yakiathiri jamii mbalimbali nchini Marekani. Kamala Harris ameweka wazi kuwa, iwapo atapata nafasi ya kuongoza taifa, atahakikisha hatua madhubuti zinachukuliwa ili kulinda usalama wa raia.
#KonceptTvUpdates
