Umoja wa Mataifa umetoa taarifa ya wasiwasi kuhusu mafuriko makubwa yaliyosababisha vifo vya watu 341 na kuathiri takriban milioni 1.5 nchini Chad tangu mwezi Julai mwaka huu. Taarifa hiyo inaonyesha ukubwa wa janga hilo, ambalo limeathiri sehemu kubwa ya nchi na kuleta madhara makubwa kwa wananchi na miundombinu.
Kwa mujibu wa takwimu za Serikali ya Chad, mafuriko haya yameharibu nyumba 164,000, na kusababisha vifo vya ng’ombe 70,000. Aidha, mashamba yenye ukubwa wa ekari 640,000 yameharibiwa, jambo ambalo linaweza kuathiri usalama wa chakula na maisha ya wakulima katika maeneo yaliyokumbwa na maafa.
Mkuu wa Tume ya Maafa ya Chad, Amina Goni, alisema kuwa hali ya hewa mbaya imesababisha mafuriko haya kuwa makubwa na yenye athari za muda mrefu. Aliongeza kuwa serikali inafanya juhudi za dharura kutoa msaada kwa waathirika na kurekebisha miundombinu iliyoharibika, lakini changamoto bado zipo kutokana na ukubwa wa madhara.
Takwimu za Umoja wa Mataifa zinaonyesha kuwa sehemu kubwa ya athari hizi zinatokana na mvua za maapali, ambazo zimeongezeka katika kipindi cha miezi mitatu iliyopita. Mamlaka ya hali ya hewa ya Chad imethibitisha kuwa mvua hizi zimevuka viwango vya kawaida, hali iliyopelekea mafuriko makubwa na usumbufu kwa jamii.
Wakala wa Chakula na Kilimo wa Umoja wa Mataifa (FAO) umeonya kuwa kuharibika kwa mashamba kunaweza kuathiri uzalishaji wa chakula katika eneo hilo kwa muda mrefu, na kuleta hatari ya njaa kwa jamii ambazo tayari zilikuwa na hali ngumu ya maisha. FAO imependekeza mikakati ya dharura ya usaidizi na urejeleaji wa kilimo ili kupunguza madhara ya muda mrefu.
Msaada wa kimataifa umekuwa ukielekezwa kwa Chad, huku mashirika ya misaada ya kibinadamu yakishirikiana na serikali kutoa huduma za msingi kama chakula, maji safi, na malazi kwa waathirika. Hali hiyo inaonyesha umuhimu wa ushirikiano wa kimataifa katika kukabiliana na majanga ya asili na kuunga mkono juhudi za kurejesha hali ya kawaida kwa waathirika.
#KonceptTvUpdates
